Tamara Obrovac

ti si moj tango, i ča ča ča
u ljubavi plešu nan tila dva
oči se ljube
srca se stišču
po nebu po suncu ljubavi išću

ti si moj tango, i ča ča ča
meka se usta nježno spojila
ruke se ljube
usne se tiču
po nebu po suncu ljubavi kliču

aa jaa, ljubav moja
aa jaa, ljubav moja

po nebu i po suncu
ljubav se lela
due tre passi,
la vita e bella
el baile de la pasión
la pasión de la emoción

ti si moj tango, i ča ča ča
kako ud vajka duša te pozna
oči se ljube
srca se stišču
po nebu po suncu ljubavi išću

cvitak ti si bila
maj lipa rožica postala
rožica si bila
rožica ostala

vitru tilo donila
soje lice suncu poklonila

kako misec maj lip je život taj
sunce će li naj tojega oka sjaj

kad sunce zajde
kada pojde spat
aj kad na nebu
zajde misec mlad
ce li zvizda sjaj
toje oko naj

oj tananaj, aj sunca sjaj
oj tananaj, ce li zivot te naj

dube sanjan
da san s tobon paran

dube sanjan da san
s tobon paran

da te oči tiču
da te srce miluje
miluje
da te oči tiču
da te srce miluje
tilo oko tebe gre

aj tilo oko tebe gre
tilo oko tebe gre
tebe gre

ča će mi lipota tega svita
kad u meni lipote ni
kad uzame nisi ti
da me ljubiš da te ljubin
da smo skupa mi
da divota da lipota
oko nas svitli
sada ćutin sada vidin
to su samo sni

ča će mi lipota tega svita
kad uzame nisi ti
nit me ljubiš nit me voliš
nit smo skupa mi
moje srce gorko tuče
drugu ljubiš ti
ni lipota ni divota
za me ne svitli

aš nogo ti život pasiva
aj nogo sve se vreda gambijiva
aj nogo ti život pasiva
jeno se u drugo gambijiva
aaa aaa

ja steši vajka paran
da foši joped dojti će dan
da u naručju te držin
da s tobon spin
i mrež zvizde joped letin

pišem pismo tinta mi se proli
daleko je onaj ko me voli
tinta mi se proli
daleko je onaj ko me voli

voli voli daleko je ko me vool’
voli voli daleko je ko me vool’

o moj dragi karamelo moja
reci meni oćul’ biti tvoja
karamelo moja
pitaj nane oćul’ biti tvoja

karamelo moja

oj zoven ki bi me čuja
oj zoven ki bi pozna

da u srcu svitla ni
aš uzame nisi ti
da u oku škrinja spi
čeka da je dopreš ti
lipa moja ljubavi

aj škrinja spi, u njoj za te biseri
njihov sjaj, moj’ga srca žar
jeli moreš ti
stat bez moje ljubavi
jeli čuješ glas
ča kanta za nas
kanat duše dvi (ljubavi)

duše dvi
nana nana naaaa naa na na

oj zoven ki bi me čuja
oj zoven ki bi pozna
da u srcu reste cvit
u njen za te cili svit
aj u oku verše dvi
aj u njima samo ti
lipa moja ljubavi

aj verše dvi, a u njima samo ti
njihov glas, moj’ga srca spas
kako moreš ti
stat bez moje ljubavi
jeli čuješ glas
ča kanta zgor nas
kanat ljubavi

lipo moje tilo
ko biš moje bilo
lipo moje tilo
ko biš moje bilo

da te moje ruke taknu
da te oko miluje
da te moje ruke taknu
da te oko miluje

aš pusta želja ta
u oku mi kanta
aš pusta želja ta
trobi mira mi ne da

da te ljubin da te tičen
da te ruka moja bogu da
da te ljubin da te tičen
i da buden toja sva
dok se ljube tila dva (dokle želja ne mula)

lipo moje tilo
lipo moje tilo
srce je zgorilo za tobon…

za tobon, za tobon
za tobon, za tobon

la la la la la la

lipo moje tilo
sve se je zgubilo
aš me nisi stilo
lipo moje tilo

volin te tilon ča za te
kako voganj gori
volin te dušon ča bez tebe
gola stoji
volin te suzon
ča se z lica zliva
sama bez tebe oooo

volin te srcen ča tuče
i u grlu stoji
volin te usnon ča bez tebe
suha boli
volin te suzon
ča se z lica zliva
sama bez tebe oooo

ljubav se je z neba zlila
i prekrila naša gola tila
z medon nas je napojila
usnice nan pripojila
zdrhima nas ukrotila
kako vrance mlade
umorila

kada kraj dojde
kad je vrime za poj
kako san je pasa
cili taj život toj

sunce kada zajde
dojti brzo će noć
sve gambja sve pasa
va nebesa ćemo poć

životi već potrošeni
vrime skunšumano
oj na na na na na vila idola
oj na na na na na vila idola

vrime kada prode
kad se šabja skala
trdo ča drža si
sad pomalo te mula

drugo vrime dojde,
dojde doba za poj
z svojima milima
foši naj ćemo spokoj

životi već potrošeni
vrime skunšumano
oj na na na na na vila idola

*Villa Idola je zgrada Doma za starije i nemoćne u Puli